TT BigBand

Atzo gabian TT bigbanda ikusten egon nintzan. Kontzertua Vanha Paloasema (Suhiltzaileen estazio zaharra) tabernan izan zan. Gaba neretzat gabeko 10.30etan hasi zan, autobus paradara jun nintzan autobusa artzeko eta irudixetan ikusten dan moduan elurra zauan (Tenperatura maximua -3ºC), autobusa hartu eta gero hirigunera jun nintzan, bertan patinatzen tabernaraino iritsi arte. 

DNIa 3 aldiz erakutsi eta gero sartu nintzan tabernara, bertan jendez eta sofaz beteriko gela handi bat topau naban fonduan barra batekin. Eszenarixua ezkutauta zauan eskina batian eta oraindik ez zauan inor gainian gabeko 23  zialako eta kontzertua 23.30etan hasten zalako, beraz barrara hurbildu garagardo bat eskatu giltzurruna donau, tarjetia hustu eta ezagunen baten bila hasi nintzan, denbora dexente pasa naban norbait aurkitxu arte baina azkenian teekkaritorvet bandako kide batzukin elkartu nintzan. 

23.30ak iritsi zian eta kontzertua ezzain oraindik hasi, 23.35 eta mugimentu bat hasi zan somatzen eszenarixuan, TT bigbandeko kideak zian danak peluka koloretsuekin eszenarixora igotzen, danera 5 tronpeta,5 saxo (2 tenor, altu bat, baritono bat), 4tronboi, 2 perkusio, gitarrista bat, bajista bat, teklaua, 2 abeslari eta zuzendarixa .

Kontzertuak 2 zati euki zitxuan, musika estiluen arabera zauden zatituak, baina egixa esan nik ez naban aldaketa askorik nabari 2 zatixetan abesti antzerakuak jo zitxuztelako internazionalak eta finlandesak. Azalpen guztixak, zein abesti zuazen eta abesti batzuen letria, finlandesez zian beraz ez naban ezerrez ulertu, batzutan bandako batek hitzulpen labur bat eitten zian garrantzitsua bazan esandakua baina bestela ez. 

Kontzertuak 2.20arte iraun zaban, danera 2 ordu joko zaben erdiko deskantsua kontuan hartuta (2 zatixen erdixan).

Soinu aldetik kontzertua oso ondo egon zan. Musikuak onak dia edo behintzat asko ensaiau dabe kontzertuaurretik. Soluak papeletik irakurritxa zian danak, hau da, ez zaben inprobisatzen.

Bukatzeko esan biharrau dau big band hau teekkaritorvet bandan spin off bat dala, hots, teekkaritorvet unibertsitateko banda da eta behin handik urtendakuan generazio berrixeri utzi bihar zaie bandan sartzen eta zaharrak big band-ian jotzen dabe. Une honetan zuzendarixa berdina da eta big band-eko kide batzuk Teekkaritorvet bandan jotzen dabe ere. Gero nere intuiziuetako bat da TT TeekkariTorvet izenetik datorrela, baina auskalo.